Царство на Протисти

Царството на протисти се состои од едноклеточни или повеќеклеточни организми.Протисти се различните видови на алги и праживотни. Порано алгите беа именувани како нижи растенија, односно талофити, додека праживотните се сметаа за едноклеточни животни.
Исхраната на овие организми е автотрофна и хетеротрофна. Автотрофните се хранат по пат на фотосинтеза, додека хетеротрофните со абсорпција на храна од околината или со  заробување на помали организми. Тие се важни продуценти во океанските и барските синџири на исхрана. Во некои земји, тие се важен извор на храна за хуманата популација. Исто така, фитопланктонот,кој се состои од протисти, е еден од главните производители на кислород.

Царство на Бактерии

Бактериите се многу ситни организми составени само од една клетка, која е поедноставна и значително поинаква од растителните и животинските клетки. Тие живеат и се размножуваат таму каде што можат да најдат извор на енергија за живот. Некои живеат во или на друго живо суштество, било да се штетни (предизвикуваат болести) или корисни, на пример, заштитуваат од некои штетни бактерии. Повеќето од бактериите, меѓутоа, живеат во или на угинати растенија или животни и нивнито дејство предизвикува распаѓање (гниење).

Класификација на организмите

Големата разновидност на организмите на Земјата создала потреба тие да се класифицираат и да се именуваат со посебни имиња.
Карл Лине е шведски ботаничар од 18-от век,кој за прв пат направил класификација(подредување) на сите живи организми,според сличностите и усложувањето во нивната градба.Оваа класификација се користи и денес и претставува систем за именување на организмите со две имиња,на латински јазик,каде што првото име е на родот,а второто име е на видот.

Како се дели Биологијата?

Биологијата се дели на повеќе гранки,тука ќе ги наведеме најголемите:

• Ботаника наука за растенијата
• Зоологија наука за животните
• Биологија на човек која ја проучува градбата на човекот
• Микробиологија која ги проучува микроорганизмите
• Екологија која ги проучува односите помеѓу заедниците и живтната средина
• Генетика која го проучува наследувањето
• Еволуција која го проучува настанокот,развитокот и изумирањето на групите организми
• Анатомија и физиологија на растенијата која ја проучува градбата и процесите кај растенијата
  
  
  
  
  
  
  

Што е Биологија?

Биологија е наука што го проучува живите организми во нивната животна средина.Таа е наука што се базира врз истражување и експериментирање,со што се обезбедува докази за законитостите и правилата кои важат во живата природа.Во текот на многугодишните проучувања од страна на голем број научници,насобран е огромен број податоци за организмите и нивната животна средина.